Plantun de Prouvènço

Pèr coumpara dos planto d'encò nostre

Geranium sanguineum & Lamium garganicum

Geranium sanguineum

Geraniaceae

Noms en français : Géranium sanguin, Géranium rouge sang.

Descripcioun :
Lou geranion-sanguin trachis en coulounìo dins li bos clar de colo e de basso Prouvènço. Li fueio de 4 cm de larg, soun penado e decoupado d'un biais prim. Li flour, d'un rose-poupre esblèugissènt, soun pourtado pèr un long pecou (4 à 6 cm).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 15 à 60 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Geranium
Famiho : Geraniaceae

Ordre : Geraniales

Coulour de la flour : Roso
Petalo : 5
Ø (o loungour) flour : 2,5 à 4 cm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Colo - Basso mountagno
Estànci : Subremediterran à Mountagnard
Couroulougi : Éurasiatico
Ref. sc. : Geranium sanguineum L., 1753

Pisso-mèu(-de-Gargano)

Lamium garganicum

Lamiaceae Labiaceae

Nom en français : Lamier du mont Gargano.

Descripcioun :
Aquéu Lamium que sèmblo au pisso-mèu, trachis dins li tepiero roucaiouso, li roucaio e lis esboudèu de basso mountagno. Pamens pòu mounta fin qu'à 2300 m. Es uno planto raro au couchant, mai coumuno au levant. La flour fai pu de 2,5 cm de long e la petalo de darrié èi pas gibado coume aquesto dóu pisso-mèu. Coumpara emé lou pisso-mèu que ié sèmblo proun.

Usanço :
Li fueio e li flour devon èstre manjadisso coume la maje part di Lamium. (F. Couplan, op.cit. p. 360). Poudès tambèn, coume d'enfant, ié suça si flour sucrado.

Port : Erbo
Taio : 15 à 60 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Lamium
Famiho : Lamiaceae
Famiho classico : Labiaceae

Ordre : Lamiales

Coulour de la flour : Roso
Petalo : irreguliero
Ø (o loungour) flour : 2,2 à 3,5 cm
Flourido : Printèms - Estiéu

Sòu : Ca (Si)
Autour basso e auto : 400 à 2300 m
Aparado : Noun
Mai à avoust

Liò : Tepiero roucaiouso - Roucas - Esboudèu
Estànci : Subremediterran à Subaupen
Couroulougi : Mediterrano-Mountagnouso-Nord
Ref. sc. : Lamium garganicum L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Geranium sanguineum & Lamium garganicum

ges

Coumpara Geranion(-sanguin) emé uno autro planto

Coumpara Pisso-mèu(-de-Gargano) emé uno autro planto